分類彙整:編劇小語

《Talk of Dub Park 留聲語 》 第十二集留聲劇場介紹及編劇後感

<留聲語>嘅主持們同大家一樣都係配音Fans,第7集「粉絲是怎樣煉成?」,其實我哋咪又係咁樣煉成出嚟… 所以當知道今集難得可以請到阿英上節目,我哋都好想聽阿英可以聲演噃佢咁多年嘅經典角色同埋對白… 奈何因為版權問題,我哋係唔可以cap噃嘉賓們以前講過嘅對白,所以我哋就選擇用自家廣播劇嘅形式俾嘉賓表演。呢個答案,應該可以解答到各位過去咁多集嘅疑問。唔係我哋唔想用,而係唔用得… 但我哋又真係唔想放棄阿英solo唔同角色嘅機會,唯有自創同角色有關嘅對白,再由阿英用相關語氣同語調聲演… 希望今次呢個劇,可以填補噃少少某啲聽眾對「獨腳戲」問題嘅期望啦~ By 多謝大家一直支持「留聲劇場」的CaCa

發表於 留聲語, 編劇小語 | 發表迴響

《Talk of Dub Park 留聲語 》 第十一集留聲劇場介紹及編劇後感

如果有一隻可以穿越時空嘅手錶,你會唔會想要?(好啦~我知你哋最近應該想要隻妖怪手錶多啲…) 仲記唔記得上一季<聲朋俱樂部S2>,我哋曾經收集過嘉賓嘅經典對白,再加入劇情對白?今集廣播劇,我哋唔用對白,用角色~把阿達做過嘅經典角色放入對白,由阿達本人嚟數噃佢做過嘅角色,係唔係巧打耳呢? 我哋曾經邀請過阿達兼聲演埋男主角「阿達」嘅少年版,但阿達覺得佢係可以做到,但出嚟嘅效果唔好,所以就將呢個重任交俾霧遙。至於同學,由於在場得噃一個男仔… 所以就由Kelvin負責「少年同學」同「中年同學」,Joyce姐、Fanny同我都救你唔到~XD 留聲劇場播埋下一集就正式大結局,希望大家多多支持啦~ By 在精靈球努力中的CaCa

發表於 留聲語, 編劇小語 | 發表迴響

《Talk of Dub Park 留聲語 》 第十集留聲劇場介紹及編劇後感

編劇後感: 上次<花語>雖然係愛情劇,不過睇噃啲留言,大家都覺得Mint同Poppy嘅故事有啲慘慘… 好啦~好啦~我哋聽到啦~廣播劇「留聲劇場」終於有一集係閃閃嘅冬日粉紅愛情故事啦!(✧≖‿ゝ≖) 今次呢個故事其實大約喺2012年已經寫好,本來只喺用嚟做短篇故事,冇諗過會出到做廣播劇。原版係叫<音.樂>,講男主角阿樂平日在街頭表演結他,有一日喺公園遇上女主角小音… 之後嘅故事就差唔多同大家聽到嘅廣播劇一樣。<留聲語>係同配音有關,所以主題就由講「音樂」變咗講「聲音」,另外最重要就係要把主線由男主角變做女主角,因為我哋一定要以嘉賓為主線,要俾嘉賓有最多嘅發揮空間。 文意專業嘅演繹令套劇加咗超~超~超~多分,佢完美咁將「小音」透過佢嘅聲音呈現出嚟。錄音前文意希望我哋俾劇本佢預先睇咗先;到現場正式錄嘅時候,佢都會先要求逐幕錄,而每一幕錄音前,都會停低再睇一次對白,先會再錄音。試咗呢個方法之後,我哋都發現出嚟個效果會比之前好,所以之後嘅錄音,我哋都有再用噃呢個方法。 我只係一個入門級(可能入門都講唔上…)嘅編劇,喺今次文意錄劇嘅時候,都學咗好多嘢。舉例當對手講緊對白嘅時候,有啲位佢會自己疊啲反應/回應落去。要知道如果呢啲位加得唔好,反而會阻到對方講對白,但文意加嘅位啱啱好,唔會阻到對手之外,亦令到個劇情更加豐富。值得一提係因為在場幾位女生都唔夠功力去做到老婆婆嘅聲音,文意聽到之後,主動提出可以兼埋開場時「老婆婆」一角,順利解決咗呢個問題。 至於男主角阿聲,雖然Zero都喺現場,但佢上集嘅表現太好(拍手),所以我哋都係想佢返入去精靈球多啲。呢啲深情男角…唔…都係交俾Kelvin負責啦~Kelvin嘅表現好好呀,有冇女聽眾聽完之後有心動先?!(つд⊂)♥ Zero,下次再有「自稱」高富帥嘅男神角色先再喺精靈球召喚你出嚟啦。係喎,唔可以唔提仲有OMG女生…(・ω´・ )某完全放棄治療…睇嚟如果有追星女友part 2可以搵你試吓… 多謝文意同各位精彩嘅演出,雖然<留聲語>嘅廣播劇我集集都好鍾意,但要數TOP 3嘅話,呢集劇一定包括在內。至於另外2套係咩呢…唔講你知~想知嘅話,如果你下次見到CaCa,就去問吓佢啦~(*´ω`)人(´ω`*) By 編劇CaCa #Joyce姐問廣播劇男女主角有冇一齊 #你覺得呢? #放心啦遲啲會有一次機會好確實咁解答到你呢個疑問 #各位想知嘅都要留意啦

發表於 留聲語, 編劇小語 | 發表迴響

《Talk of Dub Park 留聲語 》 第九集留聲劇場介紹

發表於 留聲語, 編劇小語 | 發表迴響

《Talk of Dub Park 留聲語 》 第八集留聲劇場介紹及編劇後感

睇噃啲留言,原來今集會似listening?警訊?宣傳易? 點解嘅?點解嘅?點解嘅?真係咁似咩?其實錄嗰時又唔覺喎,但出到嚟效果變咗咁…我都唔知點解~ XD 好~唔好講呢個問題住,講噃內容先。今次內容嘅資料來源就係之前喺網上收集到嘅留言、另加我哋之前見到、再加我哋嘅朋友提供而再編寫出嚟。劇入面嘅內容,雖然比起真實,可能都仲係一小部份,但想講都可以講嘅都已經寫咗喺入面… 我哋唔係要透過個劇去鬧人,而且我哋當然亦唔係啲咩代表,去代表配音fans/配音員,去講某啲配音Fans,我哋反而想似以旁人嘅角色去講。好似以前我哋去過一啲公開活動,真係見過有啲熱情fans做咗啲過火少少嘅行為,個嘉賓即時係好尷尬,但佢又唔可以太當面去講,睇到佢當時都幾無奈。 由於係臨時野生捕獲阿芝,所以準備上可能冇之前嘅集數咁好,如果將來有機會為阿芝寫劇嘅話,希望可以寫一個更加有趣嘅故仔(仲一定要係黑長直女角…定要個黑長直男角好?),唔會咁似listening、警訊同宣傳易… By CaCa

發表於 留聲語, 編劇小語 | 發表迴響

《Talk of Dub Park 留聲語 》 第七集留聲劇場介紹

發表於 留聲語, 編劇小語 | 發表迴響

《Talk of Dub Park 留聲語 》 第六集留聲劇場介紹及編劇後感

編劇後感: 如果可以唔諗錢同可能性嘅問題,其實我都幾想要一間廣播劇入面嘅呢間Voice Park,不過到時間鋪就梗係會叫「留聲堂」啦!咁之後大家就可以嚟呢間café吹水講配音啦….食嘢啦…一齊睇配音劇/動畫啦………(好…FF完) 套劇原本個boss係男仔嚟,但嗰日Kelvin同霧遙都唔得閒嚟,所以就改咗做女角,不過出到嚟又有另一種特別嘅感覺,少咗愛情故事feel,多咗啲溫馨!咁我哋12集劇就冇咁易撞相同主題。另外就要同Fanny講辛苦哂,要臨時落場做boss…但你係最合適做這種姐姐…(Joyce都可以,但一定唔係我…) Kimmy做嘅唐星瑠(#賣廣告時間)真係好正,有個把聲咁好聽嘅店員,我一定會好有動力去多幾次!好多謝Kimmy嘅落力演出,小星瑠真係好~好~好~萌呀!要去網上搵噃Kimmy配過嘅劇同動畫loop吓先~ By CaCa #要多謝Kelvin忙碌中抽時間mixing #各位要記住Voice Park呀 #因為將來可能會有機會再見  

發表於 留聲語, 編劇小語 | 發表迴響

《Talk of Dub Park 留聲語 》 第五集留聲劇場介紹及編劇後感

呢集呀…唔… 就收Order嘅時候,我問Joyce要寫咩topic,之後佢去問Ryan… 嗰時個答案好似覆噃嚟係話…寫佢哋做「母子」… 咁…就梗係…唔好啦~ 唔寫母子,咁寫「男朋友」同「女朋友」囉! 男女朋友又有咩好講呢? 要知道相熟嘅朋友預期要佢哋去演談情說愛嘅情侶,不如叫佢哋互黑、吐糟、打鬧式(好似黃XX小姐同洪XX先生嗰種),其實會更加有火花。 <留聲語>係香港粵語配音員節目,所以劇情盡量也想圍繞「香港粵語配音員」為主,而且嗰期某位又一直講「XXX,好靚仔」。咁就俾個機會佢不斷講啦~ 最後,就出現咗「我的追星女友」… 而「女朋友」亦唔係一般人眼中嘅「港女」,佢只係單一鍾意自己嘅喜好,佢心入面依然把「男朋友」放喺第一位。追星,從來都唔係一件錯事,只要唔過於瘋狂、唔影響自己嘅生活,都係一個正常活動。 好啦~ 最後套劇出咗, 我都要講一次Joyce本人真係唔係「港女」… (嗯~我重申咗~)

發表於 留聲語, 編劇小語 | 發表迴響

《Talk of Dub Park 留聲語 》 第四集留聲劇場介紹及編劇後感

編劇後感: 寫呢集劇本之前,知道呢集嘅主題會想講關於「反派」嘅角色,就想對應主題寫一個關於「壞人」嘅角色。而寫劇本嘅時候,電話騙案又再一次上咗電視新聞,於是就用電話騙案做參考。 在網上睇過家希曾配過角色嘅戲路唔會太過於單一定咗喺某啲類型,就諗到如果一個廣播劇入面有好多唔同身份嘅話應該會幾好玩。 家希收到劇本之後,好仔細咁睇咗每一句對白,仲有分析「吳厄仁」喺扮演唔同身份嘅時候,會用咩語氣講嘢。佢可以喺咁短時間之內明白個故事同埋幫每一個身份做出層次,令到喺現場睇嘅主持都要俾∞個「LIKE」佢! 再一次多謝家希為我哋帶嚟咁精彩演出!

發表於 留聲語, 編劇小語 | 發表迴響

《Talk of Dub Park 留聲語 》 第三集留聲劇場介紹

發表於 留聲語, 編劇小語 | 發表迴響