《Talk of Dub Park 留聲語 》 第七集 主持後感 – 龍哥篇

同T.O.P、太陽佢哋幾個商量過之後,見韓國嗰邊話可以放吓假,就決定返嚟參加呢次節目。XD

雖然參與嘅集數唔多,但我好肯定呢個節目所準備嘅功夫比大家所想嘅多好多!

言歸正傳講下感想,抱歉花大家少少時間!配音…聽落好似只係一份職業或者係一種聲音,但細心留意吓,電視機入面嘅生動聲線、街上面嘅廣告台詞、玩具嘅模仿聲音,又或者係你玩緊嘅手機game… 其實都離唔開配音,點解會咁講?!我成日喺度諗如果冇咗配音會點?我相信大家定義都唔同,但我深信喺生活上一定會少咗好多樂趣。配音無論喺演繹上定觀賞上都係主觀嘅,所以令到一班人喜愛上一位配音員或者係一套劇集,甚至成為一名粉絲(fans),某程度上都幾難,既然係粉絲自然就會比普通人聽得多做得多講得多,「別人笑我太瘋癲,我笑他人看不穿」!

節目尾段有講到粉絲應該抱住乜嘢態度?我錄完當晚揸車返屋企嘅時候,聽倒一個電台節目咁啱講緊「梟雄」入面馬國明嘅配音,當中有讚有彈,一邊有話幾有心思有誠意制作,而另一邊就話同原聲都唔似,配嚟做乜?我聽完當堂嚇咗一跳,然後得啖笑~當然香港係一個有言論自由嘅地方,但我想講嘅係無論係好定壞都應該俾嗰位配音員一份尊重同佩服,唔係客套說話,而係配音真係一份易學難精嘅職業,好難界定,佢比演戲難,要對口要感情要反應,仲係要同步進行,係唔需要靚仔靚女…XD

所以意見可以俾,但同時都俾多份尊重俾班一直喺度默默耕耘嘅配音戰士,香港係好需要呢一班「粉絲」去支持佢哋!

By 主持 韓國 DG龍哥

本篇發表於 留聲語, 節目後感。將永久鏈結加入書籤。

WordPress database error: [Table './mokonachan_wordpress/radio_comments' is marked as crashed and should be repaired]
SELECT * FROM radio_comments WHERE comment_approved = '1' AND comment_post_ID = 1119 ORDER BY comment_date_gmt ASC

發表迴響

您的電子郵件位址並不會被公開。 必要欄位標記為 *

*

您可以使用這些 HTML 標籤與屬性: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>