《聲朋俱樂部S2》第十三集季度最終回後感

今集聲朋俱樂部S2嚟到最後一集,好多謝各位聽眾嘅支持,雖然唔知道我哋仲會唔會再見,不過就好似節目嘅最後一句:「有緣再見。」

最後一集,當然就有壓軸嘉賓,我哋今次好開心可以請到袁淑珍小姐~珍姐。藉著呢個機會,我哋都要多謝某堂主嘅同學幫忙,先可以介(紹)上介上介咁聯絡到珍姐。同時亦得到珍姐秒速答應,超.感.動!

知道要訪問珍姐,我哋都好緊張,不過當正式第一次見到珍姐之後,我哋已經感受到佢對人嘅嗰種親切感,而且仲收到佢送俾我哋嘅朱古力~超.感.動!X2 另再加超.驚.喜!(我哋都係第一次收到嘉賓嘅禮物~而且…我哋都有收到紀念品嘅一日(天音:你有冇咁跨張呀? 我:咁真係好開心麻!)

好啦~都係講噃個訪問先!訪問內容中除咗講咗好多有關珍姐配過嘅角色。同時珍姐亦透過佢自己嘅經歷,分享咗好多唔同嘅人生經驗,令到呢個訪問添加咗更多嘅人情味。呢啲人生道理,對於我哋對自己生活、夢想、感情、人生規劃都會有所反省同啟示。

希望將來有機會,可以再同珍姐傾計。再一次多謝珍姐,祝你身體健康,工作順利,日日都開開心心~(^_^)”

最後,聲朋俱樂部S2多謝喺成個節目中幫過我哋嘅朋友、各集嘅嘉賓,仲有各位主持。呢段時間,主持們都係受著各種唔同嘅壓力去做呢個節目,得到各方好評固然開心,而批評留言就會化成改善嘅動力!

希望作為一個良好嘅聽眾,唔好因為你可以隱藏喺電腦後面,就可以打啲無理嘅惡性留言,咁對雙方都冇幫助。如果你想對節目好,不如把寫惡性留言嘅時間,轉為打一啲有幫助嘅建議俾我哋,咁唔係仲好咩?!

By 好多主持人

本篇發表於 S2:節目後感, 聲朋俱樂部S2。將永久鏈結加入書籤。

WordPress database error: [Table './mokonachan_wordpress/radio_comments' is marked as crashed and should be repaired]
SELECT * FROM radio_comments WHERE comment_approved = '1' AND comment_post_ID = 831 ORDER BY comment_date_gmt ASC

發表迴響

您的電子郵件位址並不會被公開。 必要欄位標記為 *

*

您可以使用這些 HTML 標籤與屬性: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>