主持介紹

龍哥 [Dragon Gor(DG)]
職位:留聲語首席總領袖

韓國有隊長G Dragon~GD,留聲語有領袖龍哥,Dragon Gor~DG!叫得總領袖就當然唔會成日出現啦…佢交低咗呢個重責俾其他主持之後,就攞咗張機票、passport同行李,開始瞬間看月球嘅劃時代、高科技嘅旅行。

★★★★★★★★★★★★★★★★★★★★★★★★★★★★★★

JOYCE
職位:留聲語首席女主持

只要有留聲堂嘅訪問,就一定會有佢嘅出現!一句「XXX,好靚仔!」講到近至唔少香港聲迷、遠至天王星嘅天王遙都知。網上亦搵到有人講過,「如果邊個再講『XXX,好靚仔』就要罰抄一百次!」不過事實呢~呢個真係事實嚟嘅,所以各位就唔好罰佢抄啦~好唔好?

★★★★★★★★★★★★★★★★★★★★★★★★★★★★★★

Kelvin
職位:留聲語首席剪接及混音師

操控節目內容嘅男人,主力處理節目嘅overrun、NG、deadair 等等等等等問題,另外仲要幫廣播劇加聲效,等觀眾聽得更有feel~另外仲要做埋主持;另外仲要做埋廣播劇;另外仲要… (內容太多,不能盡錄)

★★★★★★★★★★★★★★★★★★★★★★★★★★★★★★

霧遙 (Haruka)
職位:留聲語首席男主持

喜歡動漫、配音、模型、game、cosplay…嘅男主持…係~佢係男主持!男主持!男主持!(好重要,所以要講三次。)由於佢成日都會update自身嘅資訊database,所以就成為咗留聲語嘅重要database啦!

★★★★★★★★★★★★★★★★★★★★★★★★★★★★★★

CaCa
職位:留聲語首席女編劇

根據佢本人講,雖然動畫同劇集都會睇,但就鍾意睇劇集多過動畫…4.30%~ 所以佢同「留聲語首席男編劇」寫嘅廣播劇風格會好唔同, 想要聽搞笑少少嘅劇就聽男編劇寫嘅故事啦!

★★★★★★★★★★★★★★★★★★★★★★★★★★★★★★

Fanny
職位:留聲語首席計時員

掌管時間嘅女人,主力控制吹水力特強嘅主持唔好令節目過於overrun。偶然會發聲填補主持間歇性休息deadair時間,絕對唔容許任何一秒時間喺佢手上被浪費。

★★★★★★★★★★★★★★★★★★★★★★★★★★★★★★

Zero
職位:留聲語首席男編劇

根據佢本人講,雖然動畫同劇集都會睇,但就鍾意睇動畫多過劇集…4.30%~ 所以佢同「留聲語首席女編劇」寫嘅廣播劇風格會好唔同,想要聽正經少少嘅劇就聽女編劇寫嘅故事啦!

WordPress database error: [Table './mokonachan_wordpress/radio_comments' is marked as crashed and should be repaired]
SELECT * FROM radio_comments WHERE comment_approved = '1' AND comment_post_ID = 916 ORDER BY comment_date_gmt ASC

發表迴響

您的電子郵件位址並不會被公開。 必要欄位標記為 *

*

您可以使用這些 HTML 標籤與屬性: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>