《Talk of Dub Park 留聲語 》 第十三集 預告

<Talk of Dub Park> #13 最終話

今集嘅嘉賓提示係…

1) 黃
2) 鳳
3) 英

上星期講咗?
小編知道呀~ 不過想提吓各位啦~
最後一集,
唔好唔記得聽直播呀呀呀~

發表於 每集預告, 留聲語 | 發表迴響

《Talk of Dub Park 留聲語 》 第十二集留聲劇場介紹及編劇後感

<留聲語>嘅主持們同大家一樣都係配音Fans,第7集「粉絲是怎樣煉成?」,其實我哋咪又係咁樣煉成出嚟… 所以當知道今集難得可以請到阿英上節目,我哋都好想聽阿英可以聲演噃佢咁多年嘅經典角色同埋對白…

奈何因為版權問題,我哋係唔可以cap噃嘉賓們以前講過嘅對白,所以我哋就選擇用自家廣播劇嘅形式俾嘉賓表演。呢個答案,應該可以解答到各位過去咁多集嘅疑問。唔係我哋唔想用,而係唔用得…

但我哋又真係唔想放棄阿英solo唔同角色嘅機會,唯有自創同角色有關嘅對白,再由阿英用相關語氣同語調聲演… 希望今次呢個劇,可以填補噃少少某啲聽眾對「獨腳戲」問題嘅期望啦~

By 多謝大家一直支持「留聲劇場」的CaCa

發表於 留聲語, 編劇小語 | 發表迴響

《Talk of Dub Park 留聲語 》 第十二集 主持後感

多謝<Talk of Dub Park>第一集嘉賓5PM先生介紹,我哋先會請到黃鳳英小姐做我哋壓軸第十二同第十三集嘅嘉賓。

阿英之前都接受過唔少媒體嘅訪問,所以我哋都想訪問一啲佢以前冇講過或者少講嘅話題,唔想太重覆之前嘅內容。而講起阿英就會即刻諗到佢身為一位女配音員,反而配過好多男童或者青少年嘅角色,好似<叮噹 / 多啦A夢>嘅小夫、<忍者亂太郎>嘅新丁、<魔法小神童>嘅加旋… 所以今集嘅主題就定咗係講吓女配音員配男仔角色。

第一次見到阿英…呀…唔係…我哋係第二次見到阿英真人…

睇嚟要自揭吓黑歷史先…(ノ∀`*)

我哋第一次見阿英,其實係某年某大學配音講座,當時我哋仲好勇咁喺未上過任何配音課程,就走去參加配音比賽。ʅ(´◔౪◔)ʃ  咁當然…最後就梗係冇名次啦!(・ε・)

而因為呢件事之後,就令到我哋好發奮圖強咁去join配音課程,同埋平日努力練習,目標就係為咗再參加配音比賽…ᕦ(ò_óˇ)ᕤ

……

………

…………

………

……

……

………

…………

………

……

講.笑.啦…  ∑(ι´Дン)ノ

……

………

…………

………

……

點會係咁… ( ͡° ͜ʖ ͡°)

 

今次我哋可以用訪問者嘅身份去訪問阿英,同好多年前參加講座同比賽,2次都係好珍貴同埋難忘嘅回憶,希望可以快啲同阿英有第3次嘅見面啦~(●´ω`●)ゞ

發表於 留聲語, 節目後感 | 發表迴響

《Talk of Dub Park 留聲語 》 第十二集重溫:黃鳳英(上)

<Talk of Dub Park 留聲語>
第十二集:「女配音員配男童/青少年角色」

睇動畫或者劇集嘅時候,
有冇留意到好多時男童或者青少年嘅角色,
其實都係用女配音員去配音,
點解會咁呢?

而女配音配過嘅男童角色,
你又記得幾多個?

今集我哋就請嚟黃鳳英小姐,
陪大家過2015年嘅除夕夜。

主持:Kelvin、Joyce
協力:Joyce、CaCa、Fanny
Mini Drama編劇:CaCa – 「真.黃鳳英」
資料搜集及編寫:Joyce、CaCa、Fanny
首播日期:31 – 12 – 2015 (四) 2100-2200
播放頻道:香港電台數碼31台

官方重溫:
Talk of Dub Park:第12集_Part 1
Talk of Dub Park:第12集_Part 2

發表於 每集重溫, 留聲語 | 發表迴響

《Talk of Dub Park 留聲語 》 第十二集 預告

<Talk of Dub Park> #12 – 13
雖然節目仲有2集,
但呢個估嘉賓嘅環節,
就係最後一次同大家見面啦…

因為呢位嘉賓嘅訪問,將會分兩集播出,
大家而家就睇以下飲品估嘉賓啦~

1)「天王遙搖冰」
2)「阿珍珍珠奶茶」
3)「我愛羅漢果水」

好啦~都知你哋經過咁多集嘅訓練,
都一定會估到小編講咩啦…

下次見到小編,
可唔可以請我飲噃杯呀?

發表於 每集預告, 留聲語 | 發表迴響

《Talk of Dub Park 留聲語 》 第十一集 主持後感

首先~要多謝Alex幫手~ 無佢,我搵唔到阿達~(ノ>ω<)ノ
超感動阿達接受訪問(◍•ᴗ•◍)ゝ

每次同素未謀面嘅嘉賓聯絡,平日只係聽過佢把聲… 你知喇~好緊張㗎嘛~⁽⁽ ◟(∗ ˊωˋ ∗)◞ ⁾⁾

之後…我同佢都講咗半小時電話…咁大個女,我真係未試過可以同嘉賓講電話講咁耐㗎~內容呢~~~就(´≖◞౪◟≖)

自問對嘉賓了解唔深,於是就問咗身邊嘅朋友,特別鳴謝2位友人;我對嘉賓了解多咗,咁樣set 問題都會易啲。至於訪問前個Rundown都有同嘉賓商量過,希望出嚟個結果大家會滿意啦!( ^ω^)

見面之後,果然同2位友人講法一樣,阿達佢超!健!談! 而且仲講咗好多配音以外嘅知識,超!強!der !₍₍ ◝(‘ω’◝) ⁾⁾ ₍₍ (◟’ω’)◟ ⁾⁾

最後~訪問嘅背後就係…唔記得咗幾點走啦~哈哈…(☞゚∀゚)゚∀゚)☞

By 主持Joyce

發表於 留聲語, 節目後感 | 發表迴響

《Talk of Dub Park 留聲語 》 第十一集留聲劇場介紹及編劇後感

如果有一隻可以穿越時空嘅手錶,你會唔會想要?(好啦~我知你哋最近應該想要隻妖怪手錶多啲…)

仲記唔記得上一季<聲朋俱樂部S2>,我哋曾經收集過嘉賓嘅經典對白,再加入劇情對白?今集廣播劇,我哋唔用對白,用角色~把阿達做過嘅經典角色放入對白,由阿達本人嚟數噃佢做過嘅角色,係唔係巧打耳呢?

我哋曾經邀請過阿達兼聲演埋男主角「阿達」嘅少年版,但阿達覺得佢係可以做到,但出嚟嘅效果唔好,所以就將呢個重任交俾霧遙。至於同學,由於在場得噃一個男仔… 所以就由Kelvin負責「少年同學」同「中年同學」,Joyce姐、Fanny同我都救你唔到~XD

留聲劇場播埋下一集就正式大結局,希望大家多多支持啦~

By 在精靈球努力中的CaCa

發表於 留聲語, 編劇小語 | 發表迴響

Talk of Dub Park 留聲語 》 第十一集重溫:梁志達

<Talk of Dub Park> #11
今集主題係….
「___________________________________」

哈哈~唔講你哋知~
24日喺平安夜,
呢份聖誕禮物就留俾你哋自己拆啦~

今集同我哋派呢份禮物嘅嘉賓…
你哋都估到啦~
就係梁志達先生!!!

各位留聲堂朋友~
MERRY CHRISTMAS~!!!

主持:Kelvin、霧遙
協力:Joyce、CaCa、Fanny
Mini Drama編劇:CaCa – 「時空旅行」
資料搜集及編寫:Joyce、CaCa、Fanny
首播日期:24 – 12 – 2015 (四) 2100-2200
播放頻道:香港電台數碼31台

官方重溫:
Talk of Dub Park:第11集_Part 1
Talk of Dub Park:第11集_Part 2

發表於 每集重溫, 留聲語 | 發表迴響

《Talk of Dub Park 留聲語 》 第十一集 預告

<Talk of Dub Park #11>
今集嘅嘉賓提示係:
1) 佢打籃球好叻
2) 美國知名偵探,查案好勁,不過就有啲同其他人唔同。
3) 除咗喺美國查案勁之外,喺宇宙都好出名,喜好係收集彩色組合櫃。

發表於 每集預告, 留聲語 | 發表迴響

《Talk of Dub Park 留聲語 》 第十集留聲劇場介紹及編劇後感

編劇後感:

上次<花語>雖然係愛情劇,不過睇噃啲留言,大家都覺得Mint同Poppy嘅故事有啲慘慘…

好啦~好啦~我哋聽到啦~廣播劇「留聲劇場」終於有一集係閃閃嘅冬日粉紅愛情故事啦!(✧≖‿ゝ≖)

今次呢個故事其實大約喺2012年已經寫好,本來只喺用嚟做短篇故事,冇諗過會出到做廣播劇。原版係叫<音.樂>,講男主角阿樂平日在街頭表演結他,有一日喺公園遇上女主角小音… 之後嘅故事就差唔多同大家聽到嘅廣播劇一樣。<留聲語>係同配音有關,所以主題就由講「音樂」變咗講「聲音」,另外最重要就係要把主線由男主角變做女主角,因為我哋一定要以嘉賓為主線,要俾嘉賓有最多嘅發揮空間。

文意專業嘅演繹令套劇加咗超~超~超~多分,佢完美咁將「小音」透過佢嘅聲音呈現出嚟。錄音前文意希望我哋俾劇本佢預先睇咗先;到現場正式錄嘅時候,佢都會先要求逐幕錄,而每一幕錄音前,都會停低再睇一次對白,先會再錄音。試咗呢個方法之後,我哋都發現出嚟個效果會比之前好,所以之後嘅錄音,我哋都有再用噃呢個方法。

我只係一個入門級(可能入門都講唔上…)嘅編劇,喺今次文意錄劇嘅時候,都學咗好多嘢。舉例當對手講緊對白嘅時候,有啲位佢會自己疊啲反應/回應落去。要知道如果呢啲位加得唔好,反而會阻到對方講對白,但文意加嘅位啱啱好,唔會阻到對手之外,亦令到個劇情更加豐富。值得一提係因為在場幾位女生都唔夠功力去做到老婆婆嘅聲音,文意聽到之後,主動提出可以兼埋開場時「老婆婆」一角,順利解決咗呢個問題。

至於男主角阿聲,雖然Zero都喺現場,但佢上集嘅表現太好(拍手),所以我哋都係想佢返入去精靈球多啲。呢啲深情男角…唔…都係交俾Kelvin負責啦~Kelvin嘅表現好好呀,有冇女聽眾聽完之後有心動先?!(つд⊂)♥

Zero,下次再有「自稱」高富帥嘅男神角色先再喺精靈球召喚你出嚟啦。係喎,唔可以唔提仲有OMG女生…(・ω´・ )某完全放棄治療…睇嚟如果有追星女友part 2可以搵你試吓…

多謝文意同各位精彩嘅演出,雖然<留聲語>嘅廣播劇我集集都好鍾意,但要數TOP 3嘅話,呢集劇一定包括在內。至於另外2套係咩呢…唔講你知~想知嘅話,如果你下次見到CaCa,就去問吓佢啦~(*´ω`)人(´ω`*)

By 編劇CaCa

#Joyce姐問廣播劇男女主角有冇一齊
#你覺得呢?
#放心啦遲啲會有一次機會好確實咁解答到你呢個疑問
#各位想知嘅都要留意啦

發表於 留聲語, 編劇小語 | 發表迴響