《Talk of Dub Park 留聲語 》 第十集 主持後感

我哋再次俾多次熱烈嘅掌聲Alex先生!!!!!

無佢嘅話,我哋就唔會搵到文意;無咗文意,就唔會有呢集嘅訪問…

嗯…之前講過你哋平日嘅留言,我哋真係會睇,所以今次我哋就聽各位嘅民意,搵文意做訪問!(打飛)

辛苦CaCa準備嘅劇本,個故事好感人…文意完全把女主角立體化,聽完我都好想喊…Kelvin 好俾心機好努力去做男主,我喺現場睇得出係文意帶到Kelvin 入晒戲。

仲有CaCa…我想問吓男主角同女主角最後有冇喺埋一齊呀?

要諗咩訪問Topic…<留聲語>已經過咗10集,真係就嚟無嘢好講… 但諗起文意,好自然就會諗起大長今… 應該咁講,喺我嘅心目中「程文意=徐長今」。突然諗起,其實佢把聲已經入咗我哋心入面啦~不如就講吓有咩聲音係會洗腦…題目嘅大綱就咁定咗落嚟。

今次十分感謝文意接受我哋嘅訪問,以及過程中對我哋嘅所有包容!!!

By 主持Joyce

#Alex 好強
#程文意=徐長今
#留聲語
#聲音

發表於 留聲語, 節目後感 | 發表迴響

《Talk of Dub Park 留聲語 》 第十集重溫:程文意

<Talk of Dub Park 留聲語>
第十集:「點解嘅?點解嘅?點解啲聲咁洗腦嘅?」

各位聽眾應該都係多年聽聲記對白嘅高~Go~糕~高手,
睇咗咁耐,一定會有唔少聲已經入腦到發夢都唔會唔記得,
有好多句對白隨口講都會有十句八句,
點解呢啲聲會咁易入腦?
而你又覺得邊個把聲最洗腦?

今集我哋就邀請程文意小姐,一齊嚟講吓呢啲洗腦聲~

主持:Kelvin、Joyce
協力:CaCa、Fanny、Zero
Mini Drama編劇:CaCa – 「聲音」
資料搜集及編寫:Joyce、CaCa、Fanny
首播日期:17 – 12 – 2015 (四) 2100-2200
播放頻道:香港電台數碼31台

官方重溫:
Talk of Dub Park:第10集_Part 1
Talk of Dub Park:第10集_Part 2

發表於 每集重溫, 留聲語 | 發表迴響

《Talk of Dub Park 留聲語 》 第十集 預告

<Talk of Dub Park #10>

今集嘅提示係…
請睇以下對白:

1) 「冇人可以教我放棄,我係唔會放棄。」
2) 「波洛利 普利 小花飛呀飛」
3) 「唔係下化」

係咪好易估呢~:P

發表於 每集預告, 留聲語 | 發表迴響

《Talk of Dub Park 留聲語 》 第九集 主持後感 – Joyce篇

今次嘅嘉賓真係巴閉喇…因為佢同我個名一樣㗎~~~(講笑,點都係佢巴閉過我好多!)多謝NPM 義不容辭幫忙,可以俾我哋咁快就搵到Joyce~婷婷!不過我都係叫慣佢嫂子多啲~

之前我同佢都有喺活動場合見過,不過就溝通機會唔多…今次好難得可以訪問嫂子, 都要感謝嫂子抽時間接受我哋訪問^_^~ 訪問令到我對嫂子嘅了解係多咗,以前都只可以隔著個mon聽佢把聲,但認識咗佢之後,發現佢同我想像一樣,好似音符咁溫柔… 仲有佢分享佢做配音導師時候嘅事同配音嘅製作過程,都有加深咗我對呢行嘅了解。

我最記得都係嫂子句「出嚟啦~Zero…」

Zero嘅出現令到整個訪問有火花咗好多,尤其係個劇…真係好戲如人生~不過又再出一次證明Zero真係好啱做呢啲________嘅角色。我覺得佢根本係睇住自己嚟寫呢個男角嘅!

最後… 如果可以..我真係想個訪問唔好咁快完…我仲有好多嘢想問嫂子呀!

By 主持Joyce

發表於 留聲語, 節目後感 | 發表迴響

《Talk of Dub Park 留聲語 》 第九集 主持後感 – CaCa篇

除咗睇劇同動畫聽婷婷把聲之外,訪問前都只係喺其他雜誌到見過佢,所以今次都係第一次咁近距離可以見到婷婷,仲可以訪問到佢。

講起婷婷,我最記得就係佢配過小魔女DOREME嘅音符,幾位小魔女入面,我個人最鐘意嘅就係佢…可能因為我鍾意紫色…(毆) 講笑啦… 如果有聽眾都同我一樣係鍾意音符嘅,一定會知道音符有咩吸引之處嘅!(點頭)

至於婷婷講佢上堂教學生嘅事,再一次令我哋覺得配音真係唔係一件「講就好似好簡單」嘅事;配音同時要兼多方面嘅嘢,只不過係一個反應,都已經唔容易做,反應做錯咗就會變咗唔同意思… 所以我哋都好努力咁繼續練反應…(打飛)

到個廣播劇… 我而家聽噃,原來我做過2次劇,2次都係做Zero個劇本(又會咁啱,錄嗰時都冇諗過~)今次要同婷婷做廣播劇已經係超!級!緊!張!仲要個角色係…

古語有云:「出得嚟行,預咗要還」

當我寫過<我的追星女友>疑似港女mood嘅角色俾Joyce姐,今次…到我… 做完個劇之後,我立刻感受到上次Joyce姐講想巴死自己嘅感覺…好啦…我都係乖乖地自己爬噃入個精靈球到寫劇本,我下次都係做噃編劇,咁就可以諗埋係邊個做咩角色…A_A+

整體成個訪問都好開心,嚟緊仲有4集… 仲有唔同嘉賓會閃亮登場,記得留意啦~

By CaCa

 

發表於 留聲語, 節目後感 | 發表迴響

《Talk of Dub Park 留聲語 》 第九集重溫:陳凱婷

<Talk of Dub Park 留聲語>
第九集:「香港和日本的配音員」

曾經聽過部份日本有名動畫,
會派人來香港進行casting,
這個是不是真的?

香港會不會也有casting的程序,
和日本有沒有不同的地方?

今集就邀請陳凱婷小姐來和我們一起討論~

主持:Joyce、CaCa
協力:Fanny、Zero
Mini Drama編劇:Zero – 「戲如人生」
資料搜集及編寫:Joyce、CaCa、Fanny
首播日期:10 – 12 – 2015 (四) 2100-2200
播放頻道:香港電台數碼31台

官方重溫:
Talk of Dub Park:第9集_Part 1
Talk of Dub Park:第9集_Part 2

發表於 每集重溫, 留聲語 | 發表迴響

《Talk of Dub Park 留聲語 》 第九集留聲劇場介紹

發表於 留聲語, 編劇小語 | 發表迴響

《Talk of Dub Park 留聲語 》 第九集 預告

<Talk of Dub Park #9>
今集嘅嘉賓提示係:
1) 佢係一個著紫色裙嘅歌手。
2) 最常用嘅小精靈係比卡超。
3) 佢有個好矮嘅哥哥。

發表於 每集預告, 留聲語 | 發表迴響

《Talk of Dub Park 留聲語 》 第八集留聲劇場介紹及編劇後感

睇噃啲留言,原來今集會似listening?警訊?宣傳易?

點解嘅?點解嘅?點解嘅?真係咁似咩?其實錄嗰時又唔覺喎,但出到嚟效果變咗咁…我都唔知點解~ XD

好~唔好講呢個問題住,講噃內容先。今次內容嘅資料來源就係之前喺網上收集到嘅留言、另加我哋之前見到、再加我哋嘅朋友提供而再編寫出嚟。劇入面嘅內容,雖然比起真實,可能都仲係一小部份,但想講都可以講嘅都已經寫咗喺入面…

我哋唔係要透過個劇去鬧人,而且我哋當然亦唔係啲咩代表,去代表配音fans/配音員,去講某啲配音Fans,我哋反而想似以旁人嘅角色去講。好似以前我哋去過一啲公開活動,真係見過有啲熱情fans做咗啲過火少少嘅行為,個嘉賓即時係好尷尬,但佢又唔可以太當面去講,睇到佢當時都幾無奈。

由於係臨時野生捕獲阿芝,所以準備上可能冇之前嘅集數咁好,如果將來有機會為阿芝寫劇嘅話,希望可以寫一個更加有趣嘅故仔(仲一定要係黑長直女角…定要個黑長直男角好?),唔會咁似listening、警訊同宣傳易…

By CaCa

發表於 留聲語, 編劇小語 | 發表迴響

《Talk of Dub Park 留聲語 》 第八集 主持後感

首先,要多謝第12同第13集嘅嘉賓喺5分鐘之內,用咗一個Whatapps幫我哋穿針引線吓搵到羅杏芝小姐~超感激~ (想知係邊位高手,就要留意<留聲語>第12, 13集啦)

有關阿芝Information 嘛…我一直都係從Fanny, CaCa 口中得知,到訪問…

OMG!我嘅女神呀~(Joyce姐你係咪玩嘢www)

佢超~~~~Nice 呀~~~咩事都唔會托我哋手掙,影相啦~~抱抱啦~我都做齊呀~~~

因為之前訪問過阿芝,我哋又唔想將啲問題翻渣再翻渣,係唔夠一星期時間嘅準備之下,我地諗…不如個Topic… 講配音員同 FANS嘅身份啦!留聲堂一直努力去宣傳,加上如果有啲說話由阿芝把口去講…我相信大家一定聽得入耳啲…AwA

呢集大家好明顯係執生,本身我好驚今集會deadair,但見到阿芝之後,就無哂呢啲不安嘅感覺。成個氣氛係超好,完晒成個訪問都唔捨得走 (鬼叫咁難得我哋可以成功野生捕獲阿芝咩…),最後係Studio嘅人叫我哋走,我哋先捨得走咋…

我覺得每個人趁年輕嘅時候,應該要作出多方面嘅嘗試,阿芝又好,你哋又好,我又好…最緊要唔好令自己嘅人生後悔…

訪問後睇到好多留言… 各位!係,我哋真係訪問咗羅杏芝小姐,唔係張柏芝、唔係卓韻芝… 我相信大家係好錫阿芝嘅,希望可以有朝一日可以再聽到阿芝嘅聲音啦!唔係重播呀!

By 主持Joyce

發表於 留聲語, 節目後感 | 發表迴響